“Ditën e sotme do të firmoset me bankat marrëveshja e dytë bankare, që mundëson likuiditet për të gjitha bizneset, në këtë periudhë të vështirë të koronavirusit”.
Kështu është shprehur ministrja e Ekonomisë dhe Financave Anila Denaj nga foltorja e Kuvendit, ku u shpreh se është duke u punuar për programin e rimëkëmbjes së ekonomisë.
Ajo theksoi më tej se ky proces është konsultuar me ekspertë ndërkombëtarë dhe kryesisht të Bankës Botërore,
“Naftëtarët e Ballshit, kanë në llogarinë e tyre bankare pagesën sipas aktit normativ. Janë duke u shqyrtuar mbi 470 kërkesa të proceduara nga bankat dhe sot firmosim me bankat marrëveshjen për garancinë e dytë bankare që mundëson likuiditet për të gjitha bizneset.
Përtej paketës së ndihmës ne jemi duke punuar në programin e rimëkëmbjes. Programi i rimëkëmbjes është punuar edhe me mbështetje të ndërkombëtarëve dhe kryesisht të Bankës Botërore, që do të ndihmojë në ringritjen e ekonomisë”, tha Denaj.
