Një miqësi e pazakontë ka lindur gjatë kësaj periudhe karantinimi në Lichfield të Britanisë së Madhe.
Një gushëkuqi ka krijuar miqësi me një kopshtare pasi kjo e fundit e ka ushqyer teksa ai ndodhej në kopshtin e saj.
Zogu i quajtur Colin është rritur nga Kate në Lichfield të Britanisë së Madhe pasi ajo po punonte në kopshtin e shtëpisë gjatë karantinës.
Colin merrte pjesë në bisedat e Kate me miqtë e saj në aplikacionin Zoom.
“Sa herë isha në kopsht, shfaqej ky zog i vogël duke qëndruar pranë meje” shprehet Kate.
“Unë flisja me të dhe e ushqeja me fara. Ai tani më kërkon vazhdimisht, kudo që të jem. Sapo ndez dritën në kuzhinë, ai shfaqet në një hyrje jashtë dhe pret që unë të hap dritaren për ta ushqyer” , vazhdon ajo.
Gjithashtu Kate e ka “përdorur” zogun e vogël si objektiv të fotove të saj dhe ky i fundit duket se e bën me shumë dëshirë këtë “punë”.
“Unë e dua fotografinë dhe ai më ka dhënë një shans të përdor dhuntinë time krijuese dhe të zhvilloj fotografinë time përmes kësaj marrëdhënie” rrëfen Kate.
Burimi: Daily Mail, Përshtati: Fjala
