Këpucët e Amy Winehouse në ankand për mbështetjen ndaj koronavirusit

113 563 lexime

124,178FansaPëlqeje

Një palë këpucë me taka të larta të veshura nga Amy Winehouse dhe tekstet e shkruara me dorë nga Bono janë ndër artikujt më tërheqës të një ankandi që do të drejtohet nga Island Records. Ky ankand ka për qëllim të ndihmojë për bamirësi në situatën e shpërthimit të pandemisë së koronavirusit.

Fondet e mbledhura nga ankandi i quajtur “One Love Covid-19 Relief” – frymëzuar nga njëri prej teksteve më të famshme të Bob Marley – do të shkojnë në NHS Charities Together në Mbretërinë e Bashkuar dhe Feeding America në SHBA. Island Records u themelua nga Chris Blackwell më 1959 dhe vazhdoi të nënshkruajë bashkëpunime me artistë të tillë, si U2, Roxy Music dhe Ariana Grande. Një nga shumë ankandet do të mbahet në hotelin me pesë yje të Blackwell, Strawberry Hill, në Malet Blu të Xhamajkës.

Bono do ta shkruajë vetë me dorë tekstin e këngës së tij “Where the Streets Have No Name” për fituesin e një seti Joshua Tree, ndërsa Annie Lennox do të shkruajë me dorë sturkturën e tekstit të njërës prej këngëve të famshme të grupit Eurythmics, “Sweet Dream”. Beth Gibbons i Portishead do të shkruajë tekstin e zgjedhjes së fituesit, ndërsa Jon Bon Jovi do të shkruajë këngët e tij të suksesshme të “Livin’ On A Prayer” dhe “Wanted dead or alive”. Motra e vogël e Nick Drake, Gabrielle, do të nënshkruajë për fituesin kartën e botimeve të plota të katalogut të tij.

Në ankand do të ketë pjesëmarrje dhe nga artistë të tjerë, të cilët do të ofrojnë instrumentet e tyre për shitje. Bëhet fjalë për Adrian Utley të Portishead, i cili ka ofruar përveç kitarave elektrike dhe sintetike, edhe një disk të artë. Iniciativës i janë bashkuar edhe Shawn Mendes, Ben Howard, OneRepublic dhe Bombay Bicycle Club. Ankandi do të mbahet online në orën gjashtë pasdite, sipas orës lokale, në datën 21 maj, në faqen e Broadway dhe Billy Porter./Fjala.al/

Lexo edhe :  FOTO/ Kiara shtatzënë për herë të dytë? Luizi zbulon detajet

Të fundit

Gjermania dhe Austria do t’i sanksionojnë Dodikun dhe dy bashkëpunëtorët e tij

Lideri i serbëve të Bosnjës, Millorad Dodik dhe dy bashkëpunëtorët e tij të ngushtë, do ta kenë të ndaluar...

“Vulin të mos jetë pjesë e qeverisë” – Shpërthen Moska: Serbia shtet sovran, BE po mbytet

"Ndërhyrja e paturpshme e burokratëve evropianë në punët e brendshme të një shteti sovran si Serbia është e papranueshme". Me këto fjalë zëdhënësja e Ministrisë...

Kam përjetuar padrejtësi e shtypje”, ish-nusja e Mehmet Shehut flet për bindjet politike

Ajo njihet si ish-nusja e djalit të Mehmet Shehut, një fejesë që nuk u kurorëzua kurrë në martesë më Skënderin. Fjala është Silva Turdiun e...

Të rinjtë shqiptar jetojnë me prindërit, të dytët pas Malit të Zi

Të rinjtë shqiptarë, largohen nga trungu familjar, vetëm kur u duhet të emigrojnë ose të shkojnë për të studiuar jashtë qytetit të tyre të...

“Çfarë kujtimi i ëmbël”, Jessica Alba kujton 20 vjetorin e “Sin City”

Pjesëmarrja e Jessica Alba në filmin “Sin City” nga Robert Rodriguez dhe Frank Miller ishte një nga më të rëndësishmit në karrierën e saj. Pjesëmarrja...

Lajme të tjera

Web TV