Aleanca për Mbrojtjen e Teatrit do të mblidhet ditën e sotme rreth orës 16:30 në një protestë, e cila sipas thirrjeve të tyre do të jetë maksimale, ku do u bashkohet edhe opozita më mbështetësit e tyre.
Opozita vendosi të bashkohej me protestën e artistëve AMT-së dhe qytetarëve që prej më shumë se dy vitesh mbronin Teatrin, pas një mbledhje të zhvilluar ditën e djeshme në Kryesinë e ish-grupit Parlamentar të Partisë Demokratike.
Vendimi i Bashkisë së Tiranës për të shembur Teatrin Kombëtar që u finalizua në orët e para të mëngjesit të djeshëm, ngriti shumë qytetarë në protestën që zgjati deri në mbrëmje. Shumë artistë, aktivistë e qytetarë u prangosën nga forcat e policisë gjatë kësaj proteste./Fjala.al/
