Kryeministri izraelit Benjamin Netanyahu ka mbërritur në sallën e gjyqit, për tu përballur me akuzat e ngritura ndaj tij për korrupsion, vetëm pak ditë pasi nisi mandatin e rradhës në zyrë. 70 vjeçari është i pari zyrtar i Izraelit, për më tepër kryeministër, që përballet me akuza të tilla në historinë e vendit. Ai i ka kundërshtuar me forcë akuzat për mashtrim dhe korrupsion.
Teksa mbërrinte në Gjykatën e Jerusalemit, Netanyahu tha se këto akuza synojnë ta rrëzojnë atë, me cdo mënyrë të mundur.
Ai u rikthye në krye të qeverisë, vetëm pas arritjes së një marrëveshje bashkëqeverisje dhe krijimit të një qeverie të unitetit kombëtar javën e shkuar. Rivali i tij politik, Benny Gatnz, ra dakord të ndante pushtetin me të, pas 3 palë zgjedhjeve të zhvilluara në Izrael brenda një viti.
Netanyahu i ka refuzuar thirrjet për të dhënë dorëheqjen teksa përballet me drejtësinë dhe akuzat publike ndaj tij. Lideri i partisë Likud, është kryeministri më jetëgjatë i Izraelit, pasi partia e tij qëndron në pushtet që prej vitit 2009.
Ai ka shërbyer si kryeministër edhe më herët, nga viti 1996 deri në 1999. Kryeministri Netanyahu do të përballet në gjyq me 3 akuza për korrupsio që njihet si cështjet 1000, 2000 dhe 4000, të gjitha të lidhura me cështje korrupsioni e mashtrimi, abuzimi me detyrën dhe lidhjen favorizuese ndaj kompanive të përzgjedhura prej tij për të drejtuar sektorët kryesorë të ekonomisë vendase.
Sipas ligjeve izraelite, një lider i akuzuar për një krim, nuk duhet domosdoshmërisht të japë dorëheqjen.
Por nuk ka patur kurrë më parë një precedent të tillë.
Burimi: https://www.bbc.com/news/world-middle-east-51868737 /Fjala/k.b
