Vrasja e nënës së këngëtares së njohur shqiptare Elsa Lila është një nga ngjarjet që ka mbetur në mendjen e shumë shqiptarëve nga vit i mbrapshtë i 1997-s.
23 vite më pas, Eva Vishaj ende kujtohet nga familjarët e saj. Përmes një postimi në rrjetin social facebook, avokati i njohur dhe njëkohësisht edhe kryetari i Shoqatës së Avokatëve Penalist Saimir Visha, dhe njëkohësisht vëllai i të ndjerës, ka dedikim prekës.
“Eva Visha përherë do të kujtojmë”, shkruan ai në facebook, duke postuar edhe foton e nënës së këngëtares së njohur Elsa Lila.
Pas një varg seancash, autori Arbenc Ago u dënua me 20 vite burg nga Gjykata e Apelit në 2013-ën.
Ago u dënua në mungesë në vitin 2005 nga Gjykata e Tiranes dhe një vit më vonë u ekstradua nga Italia, duke nisur dhe betejën ligjore me drejtesinë shqiptare.
Pas ecejakesh te shumta, Gjykata Kushtetuese e prishi vendimin e dhëne për Agon, duke i hequr nga supet dënimin me 20 vite burg, vendim që u la në fuqi dhe nga Gjykata e Lartë. Pasi e rigjykoi çështjen, Apeli i Tiranes firmosi për fajësinë dhe dënimin e Albenc Agos.
Eva Vishaj (Lila), nëna e këngëtares së famshme shqiptare, u gjet e vrare rreth orës 19.00 të mbrëmjes së 23 majit 1997 në aksin rrugor Tiranë – Elbasan, pikërisht në afërsi të fshatit Gracen.
