Himara është një qytet i vendosur në rrethin e Vlorës në jug të Shqipërisë. Himara si krahinë shtrihet në jug-perëndim të Shqipërisë në anë të bregdetit të detit Jon. Krahina e Himarës ka një sipërfaqe me gjatësi rreth 50 km dhe gjerësi rreth 10 km.
Rajoni është vend malor dhe karakterizohet nga male e kodrina që thepisen drejtpërdrejt në një det të kristaltë, dhe është një vend detar me klimë mesdhetare.
Por a e dini se në vitin 1927 Himarës iu ndryshua emri duke u quajtur “Vetëtimë”? Ky vendim, siç shkruan “Shqipëria e harruar” u mor nga një komision i posaçëm ku bënin pjesë të gjithë mësuesit e krahinës, me argumentin se fshati ndodhej buzë vargmaleve të ‘Acrocherauneve’ që do të thotë “Malet e Rrufeve apo Vetëtimave”
Ndërsa Marë është emër i njohur Shqip vajze në Himarë, në jug të Shqipërisë dhe në veri të saj.
Por emri Himarë, besohet se vjen nga emri i një kafshe të përmendur në mitologjinë e lashtë të quajtur Chimera e cila ishte një Luan ku në shpatullën e majtë të tij dilte koka e një Dragoi dhe në shpatullën tjetër koka e një dhie gjigande, ndërsa mbi shtyllën kurrizore ishte një gjarpër me dy koka që dilnin simetrikisht me tri kokat e tjera në trupin e kafshës gjigande.
E ndërtuar në pjesën jugore të bregdetit shqiptar, qyteza e Himarës ka qenë gjithmonë qendër e një zone që ka përfshirë jo vetëm fshatrat e jugut, por edhe Labërinë e Kurveleshin.
Ajo përmendet që në kohët e lashta ku paraardhësit ishin fisi Ilir i Kaonëve, por historia moderne duket se fillon në 1199, kur në qytet u vendos sundimi i Venedikasve. Kujtojmë se Himara është vendbanim biling, domethënë dygjuhësh./b.b/fjala.al
