Një ditë pasi palët politike dështuan të përmbyllnin reformën zgjedhore më 31 maj sikundër edhe vetë e kishin përcaktuar, ka ardhur edhe reagimi i Ambasadores amerikane Yuri Kim.
Në një postim në “Twitter” ajo shkruan se të gjitha palët kanë treguar lëvizje dhe ato janë jashtëzakonisht të afërta.
“Të gjitha palët kanë treguar lëvizje dhe ato janë jashtëzakonisht të afërta. Ju keni vendosur një qëllim, ju keni vendosur një afat më 31 maj.
Tani është koha që të ndaloni duke insistuar në qëndrime të pazbatueshme dhe / ose të vendosni kushte të reja. Koha për t’a mbajtur fjalën tuaj para qytetarëve shqiptarë”, shkruan Kim.
Reforma zgjedhore duket se ka mbetur ende në udhëkryq, me palët që fajësojnë njëra-tjetërn për mospërmbylljen e procesit brenda afatit që ato vetë kishin vendosur. /b.b/fjala.al
