Protestat në Shtetet e Bashkuara të Amerikës jo vetëm që nuk janë drejt shuarjes, por po thellohen edhe më tej. Në të gjithë vendin po zhvillohen përplasje midis policëve dhe qytetarëve që protestojnë për vrasjen e George Floyd në Minneapolis nga efektivët.
Ndërkohë, në St. Louis, qyteti më i madh i Missouri, janë qëlluar mbrëmë me armë zjarri katër efektië policie. Policët kanë marrë plagë, por fatmirësisht janë jashtë rrezikut për jetën. Ngjarja ndodhi pranë komisariatit të policisë, aty ku po zhvillohen prej ditësh protesta të dhunshme.
Pjesa më e madhe e shteteve amerikane kanë aktivizuar gardën federale për t’u përballur me protestat masvie.
Goerge Floyd u ndalua nga katër policë në Minneapolis pasi kishte përdorur një kartëmonedhe false 20 dollarësh në një dyqan. Por gjatë kohës që transportohej për në komisariat, 46 vjeçari u asfiksua si pasojë e dhunës fizike që po ushtrohej mbi të.
Një ndër katër policët e përfshirë në arrestimin e Floyd, është arrestuar dhe është tani akuzuar për vrasje me paramendim të grades së tretë, si dhe vrasje pa paramendim.
E megjithatë, kauzë kryesore e protestave është kthyer mbrojtja e të drejtave të njerëzve me ngjyrë në SHBA.
