Deputetja Rudina Hajdari, përfaqësuese e opozitës parlamentare në Këshillin Politik për reformën zgjedhore deklaroi sonte se palët kanë rënë dakord për identifikimin biometrik.
Hajdari sqaroi se tashmë identifikimi biometrik do të kryhet në të gjithë vendin. Sipas Hajdarit, pika për të cilën nuk ka dakordësi mes palëve është ajo e administratës zgjedhore.
“Identifikimi biometrik do të bëhet në të gjithë vendin. Po, kanë rënë dakord. Ka patur dakordësi, ka patur zhvillime, palët kanë lëvizur. Administrata zgjedhore është një çështje e rëndësishme dhe palët nuk kanë lëvizur”, u shpreh Hajdari në emisionin “Opinion” .
Ndërsa mbledhja mes palëve pritet të mbahet nesër paradite në orën 11:00, Hajdari tha se aktualisht nuk është më në tryezë, kërkesa e opozitës për qeveri kujdestare 100 ditë para zgjedhjeve./l.m/Fjala.al
