Boris Johnson i ka kërkuar ministrave të tij që të heqin sa më parë izolimin për shkak të pandemisë dhe të lehtësojnë masat shtrënguese për të shmangur një kolaps ekonomik të vendit teksa 3 milionë vende pune janë në rrezik.
Vendimi erdhi fill pasi kreu i qeverisë së Londrës firmosi paketën e radhës së ndihmës për të nxitur ekonominë. Sekretari për biznesin Alok Sharma ka paralajmëruar se vonesat më tej në rihapjen e sektorit të turizmit dhe mikëpritjes mund ti kushtojë vendit humbjen e 3.5 milionë vendeve të punës.
E siç raporton “The Sunday Times”, fill pas kësaj fjalie, Johnson është shprehur “krisht” nga habia. Mësohet se Johnson ka thirrur ministrat kryesore të kabinetit të tij qeveritar ku i kërkon që të hartojnë një plan “për shpëtimin e verës 2020” dhe rihapjen e vendit e rikthimin në normalitet brenda muajit korrik.
Johnson është shprehur se qeveria po harton e do të implementojë sa më shpejt një plan miliarda paund për të shpëtuar ekonominë. Ministrave ai u kërkoi që të mbledhin sa më shumë ide nga ekspertët për të ndihmuar firmat dhe ndërmarrjet, ende në kaos për shkak të pandemisë së Covid-19.
Vetëm një pjesë e bizneseve pritet të rihapen në gjysmën e korrikut, mes të cilave edhe shërbimet hoteliere, për të mirëpritur miliona turistë./b.b/fjala.al
