Taulant Balla më shumë se një herë gjatë intervistës në emisionin HARD TALK NGA ROLAND QAFOKU, bëri Berishën fajtor për situate të ndryshme në Shqipëri. Sipas tij Berisha dhe Rama ndryshojnë shumë në mënyrën se si qeverisin. Për këtë ai mori si shembull mënyrën e dorëzimit të detyrës së dy kryeministrave: Fatos Nanos dhe Sali Berishës.
-Më lejo t’iu jap një shembull historik dhe shumë domethënës. Në vitin 2005 PS humbi zgjedhjet. Unë kam qenë anëtar i kabinetit të kryeministrit Fatos Nano. Dhe kryeministri Fatos Nano pas balotazhit të fundit zgjedhor porositi që të bëheshin gjithë procedurat siç i ka hije shtetit shqiptar. Në dosjet e çdo ministri dhe në tavolinën e kryeministrit kishte një dosje në mos gaboj 1134 faqe me të gjithë informacionin e nevojshëm të të gjitha projekteve , të të gjitha akteve pa asnjë sekondë ndërprerje. Ndërsa kur Edi Rama mori detyrën e kryeministrit, në 15 shtator 2013 në dollapët dhe tavolinën e kryeministrit nuk kishte qoftë edhe një informacion se ku ishin dhe ku kishin mbetur projektet. Në vitin 2013 teksa PD u largua nga qeverisja, udhëheqësi i tyre historik predikonte se qeveria që erdhi me Edi Ramën do të binte brenda gjashtë muajve sepse gropat financiare të lëna pas nga qeveria e tij ishin aq të mëdha, do të rrëzonin qeverinë Rama. /Fjala.al/Ke.Ba
https://www.youtube.com/watch?v=1AsEgjZW2c4
