Nuk janë të paktë ata drejtues në PS që e kanë shfaqur synim fitoren e mandatit të tretë të Partisë Socialiste. Në fakt në këto 30 vite, asnjë forcë politike nuk ka fituar 3 mandate. PD qeverisi nga 1992 deri në 1997. PS qeverisi nga 1997 deri në 2005. PD qeverisi nga 2005 deri në 2013 dhe PS qeverisi nga 2013 e në vijim. Kjo ka krijuar një perceptim që në Shqipëri një forcë politike qeveris vetëm dy mandate. Por PS synon ta prishë këtë rregull. Edhe Taulant Balla gjatë emisionit HARD TALK NGA ROLAND QAFOKU, në grupin mediatik “FJALA” , tha se PS synon dhe do t’a arrijë këtë duke duke marrë si shembull partinë e Angela Merkel në Gjermani.
-Në këto 30 vjet asnjë forcë politike nuk e ka fituar mandatin e tretë. Ju do prishni rregullin me atë që e keni kthyer si synim, fitoren e mandatit të tretë?
-Pse ka ndonjë rregull?
-Është rregull i pashkruar.
-Nuk është rregull i pashkruar, është kur qeveritë nuk realizojnë, ato zëvendësohen. Kur qeveritë realizojnë përtej pritshmërive, ato rikonfirmohen. Angela Merkel e cila është në përfundim të mandatit të katërt të saj në krye të qeverisë gjermane, është sot politikania më e besuar në Gjermani për një mandat të pestë. Unë mendoj që energjia dhe forca qeverisëse e Partisë Socialiste dhe Edi Ramës kryeministër është sot nevojë për të vijuar transformime të mëtejshme të Shqipërisë. /Fjala.al/Ke.Ba
https://www.youtube.com/watch?v=8ugQg5vEZcE
