Një tërmet i fortë ka goditur pjesën lindore të Turqisë, kryesisht provincën Bingol, pasditen e sotme.
Sipas Qendrës Sizmiologjike Europiane-Mesdhetare tërmeti ka qenë me magnitudë 5.9 e shkallës Rihter. Thellësia e tij ka qenë 5 km me epiqendër ka qenë 25 km larg rrethit Karliova dhe 56 km larg provincës së Bingolit.
Mediat vendase raportojnë se nga tërmeti është shembur një kullë ushtarake vrojtimi duke lënduar disa persona. Ministri i brendshëm turk, Soylu tha se një prej rojeve ishte bllokuar në kullën e vrojtimit, por që u shpëtua, kurse dy të tjerë morën lëndime të lehta./En.Br./Fjala.al
