Ish-deputetja demokrate, Albana Vokshi, denoncon se teza e provimit të matematikës të Maturës Shtetore është zbuluar para se të niste provimi ditën e sotme.
Teksa publikon gjithë tezën në “facebook”, Vokshi shkruan se ministrja Besa Shahini duhet të mbajë përgjegjësi për këtë, pasi sipas saj, tha se “testi i matematikës është hermetik, se janë marrë masa të mos dalë”.
“Edhe #testin e #matematikës opozita e nxori? U tha me bujë të madhe nga Ministrja e Arsimit, Besa Shahini, se testi i matematikës është hermetik se janë marre masa të mos dalë dhe të tjera broçkulla si këto.
Ka 3 ditë që për të mbuluar dështimin e saj, sulmon opozitën, por prapë dështoi.
Thirri mësuesit në oborrin e shkollës, duke rrezikuar shëndetin e tyre për të bërë show me masat gjoja të forta antikopjim, u hoqi celularët, i detyroi të firmosin deklarata për pushim nga puna, në rast të shkeljes së rregullave dhe çfarë bëri? Asgjë!
Turi mund t’ia kishte dalë mbanë kësaj situate më mirë sesa e dështuara Besa Shahini dhe shefi i saj Edi Rama. Testi i matematikës është zbuluar dhe Besa Shahini duhet të mbajë përgjegjësi”, shkruan Vokshi.
Më herët, ka qenë kreu i FRPD-së, Belind Këlliçi, i cili ka denoncuar se është publikuar para se të zhvillohej provimi, pyetjet e testit të gjuhës Shqipë dhe Letërsisë, me qëllim për të fituar votues./Bl.Ba/Fjala.al
Skandali përsëritet/Del testi i matematikës sapo maturantët nisin provimin
