Prokurori i Prokurorisë Tiranë, Blerim Tominaj është shkarkuar nga detyra pas problemeve të shfaqura me pasurinë.
Vendimi ndaj tij u mor nga trupa gjykuese me kryesuese Genta Tafa Bungo, relatore Suela Zhegun dhe anëtare Etleda Çiftja.
Shkak për vendimin e paradites së sotme, ishin dyshimet lidhur me burimin e të ardhurave për dy apartamente, dy lokale si dhe depozita bankare me shumë disa mijëra euro.
Blerim Tominaj e nisi karrierën në sistemin e drejtësisë në vitin 1993 dhe punoi për më shumë se dhjetë vitesh si prokuror në Prokurorinë e Tiranës.
Në vitin 2014, ai u emërua zv.drejtues i ish-Prokurorisë së Krimeve të Rënda dhe vazhdoi të punonte atje deri në shkrirjen e saj, në dhjetor 2019. Tominaj ishte komanduar aktualisht si prokuror në Prokurorinë e Tiranës./Bl.Ba/Fjala.al
