Ambasadori i Bashkimit Europian, Luigi Soreca ka reaguar lidhur me ecurinë e Reformës në Drejtësi.
Përmes një postimi në Twitter ai thekson se duhet të vijojë zbatimi i saj, ndërsa shton se kjo shkollë e magjistraturës ka në dorë të ardhmen e reformës në drejtësi dhe kanë në anën e tyre edhe BE-në.
“Reforma në drejtësi po ecën përpara dhe zbatimi i saj duhet të vazhdojë. Është mirë të shohësh shumë të rinj shqiptarë – të gatshëm të jenë pjesë e sistemit të ri të drejtësisë.
Ne i urojmë gjithë të mirat për aplikantët e sotëm për magjistratë dhe këshilltarë, 277 kandidatë për 100 poste për këtë vit akademik të Shkollës së Magjistraturës.
Shkolla ka në duart e saj të ardhmen e reformës në drejtësi dhe BE-në në anën e saj. Shqipëria ka nevojë për magjistratë të rinj që janë vërtet të pavarur, të gatshëm të rezistojnë nga ndërhyrjet politike dhe presioni i mediave”, shkruan Soreca./Bl.Ba/Fjala.al
