Kreu i PD-së, Lulzim Basha deklaroi se shumica e deputetëve të “Opozitës së re” kanë bërë pazare me kryeministrin Edi Rama.
Në emisionin “Zonë e Lirë”, Basha tha se shumica e deputetëve, me 2 apo 3 përjashtime, kanë firmosur lënien e mandatit, kur opozita vendosi djegien e tyre.
Por, shtoi Basha, dikujt “i janë falur borxhe në Kazino”, të tjerëve “mos futja në burg e të vëllait”, apo të tjera favore nga Rama dhe kështu kanë ndryshuar vendim.
“Këta janë opozita parlamentare. Këta janë Edi Rama”, tha Basha, i cili shtoi se pas kërkesës për ndalimin e koalicioneve zgjedhore qëndron dora e Edi Rama.
“Edi Rama që hedh gurin e fsheh dorën dhe e bën se ka frikë nga zgjedhjet”, tha kreu i opozitës.
