Daja: Vllaznia, një fitore me fat, e ardhmja? Mbetem trajner i Skënderbeut

113 563 lexime

124,178FansaPëlqeje

Një fitore me fat e ka cilësuar trajneri i Skënderbeut, Ilir Daja, atë që skuadra e tij arrit të shtunën në shtëpi me Vllazninë, ku korçarët iu falë një goli të një shkodrani, Pusit, në minutën e 90-të, për të mposhtur kuqeblutë. “Kemi bërë një ndeshje me dy tablo, – ka pohuar kryeqytetasi i stolit të korçarëve. – Në pjesën e parë kemi qenë mjaft mirë dhe mund t’i jepnim qetësi ekipit. Kemi bërë një pjesë të dytë ku mund ta kishim humbur ndeshjen, si me Tiranën, kjo për meritë të kundërshtarëve.”

“Me ndihmën e fatit, morëm fitoren, – ka theksuar ai. – Kjo nuk do të thotë që ndërrimet na çuan te fitorja. Nuk kemi freskinë e duhur, por të paktën nuk duhet të prishim ekuilibrat në fushë. Të shfrytëzojmë potencialin që kemi”. Skënderbeu tanimë mban vendin e 5-të në renditje dhe Daja e pranon se rivaliteti është i madh, teksa thotë: “Ky është kampionati. Para 3 javësh ishim në vendin e 3-të dhe synonim të ngjiteshim edhe më tepër në tabelën e renditjes.”

“Do përpiqemi që me këtë potencial që kemi të shkojmë aty ku duam, – ka vijuar 53-vjeçari. – Shpresoj që duke qenë pragmatistë, të luftojmë për më sipër. Duke shpresuar për një vendim pozitiv për Skënderbeun nga Gjykata Federale do të marr vendimin e duhur për të ardhmen. Sot kishim një gjyqtar që të paktën shfaqi personalitet. Asnjë nga lojtarët nuk cënoi pjesën e lojës në fushë.” Po në cilin stol do ta shohim Ilir Dajën sezonin që vjen?

“Unë jam trajner i Skënderbeut, nuk kam asnjë lloj komenti për Partizanin, – përgjigjet ai. – Këtë ua kërkoj edhe lojtarëve që kanë oferta nga skuadra të tjera. Në respekt të këtij qyteti dhe në respekt të Skënderbeut, nuk mund të komentoj më tepër. Mund të vazhdoj me Skënderbeun, por duhet të shkoj paralel edhe me politikat e klubit. Nuk e heq mundësinë që edhe me një përgjigje negative nga Gjykata Federale, nëse ka një projekt që mund ta gjej veten brenda, mund të vazhdoj. Ndihem mirë dhe i respektuar këtu.”/Bl.Ba/Fjala.al

Të fundit

U dëmtua në stërvitje, zbulohet sa do të mungojë Jashari te Milani

Ardon Jashari do të qëndrojë jashtë fushave për disa muaj. Mesfushori shqiptar, i transferuar për 39 mln euro te Milani...

Gjenden 70 trupa të djegur në mes të shkretëtirës

Autoritetet amerikane kanë nisur një hetim pas zbulimit të të paktën 70 grumbujve me mbetje njerëzore të djegura në një zonë të shkretëtirës pranë...

“Mediat sociale po marrin kontrollin e informacionit”

Agjensia e lajmeve Reuters ka publikuar raportin e lajmeve digjitale për vitin 2025. Raporti i këtij viti publikohet në një kohë pasigurie të thellë...

Kur do largohet nga kombëtarja? Messi jep sinjalet e para…

Lionel Messi, tashmë 38 vjeç, po i afrohet fundit të karrierës së tij si futbollist, dhe së fundmi ka konfirmuar se po mendon realisht...

Zelensky: Trump duhet të përfshihet në bisedimet për garancitë e sigurisë

Bisedimet mbi garancitë e sigurisë së Ukrainës duhet të ngrihen menjëherë midis udhëheqësve , përfshirë Presidentin e SHBA-së Donald Trump , tha Volodymyr...

Lajme të tjera

Web TV