Titullari i skuadrës së Kukësit Valon Et’hemi ka lajmëruar sot largimin e nga klubi i verilindorëve.
Et’hemi ishte një nga lojtarët më të mirë të Kukësit këtë sezon, megjithatë duket se ai do që ta provojë veten në një kampionat më të fortë.
Ky lajm është bërë publik nga vetë lojtari përmes një postimi në “Instagram” ky falënderon verilindorët për periudhën që kaloi atje.
Postimi i plotë:
Vlerësim dhe mirënjohje për tre vite me KF Kukësin?
Faleminderit të gjjthë atyre që bënë të ndjehem te Kukësi si në shtëpinë time.
Mirënjohje e pafund për tifozët e Kukësit që më pranuan dhe bënë të ndjehem si pjesë e tyre❤
Faleminderit drejtuesve të klubit, menaxhmentit dhe gjithë trajnerëve me të cilët bashkëpunova tre vitet e fundit, për mundësinë e dhënë që të përfaqësoj Kukësin dhe të kontribuoj për tre vite rresht për fanellën e kësaj skuadre.
Vlerësim i pafund për bashkëlojtarët! Ata janë vëllezërit e mi? Të jetoja këtë aventurë bashkë me ata çuna më ka bërë të ndjej dashurinë e vërtetë për futbollin
Jam falemenderues dhe mirënjohës që pata mundësinë të isha pjesë e këtij klubi. Pengu i vetëm më mbetet fakti që nuk mundëm të fitojmë titullin kampion, por uroj Kukësi ta fitojë shumë herë në të ardhmen, duke filluar nga sezoni që pason.
Të nderuar miq në përgjithësi dhe tifozë të KF Kukësit në veçanti, për arsye profesionale kam vendosur të largohem për të provuar veten në një kampionat më konkures. Të dashur kuksianë, ishte kënaqësi të isha një prej jush. Do të mbetem gjithmonë tifoz i Kukësit dhe uroj shumë suksese në të ardhmen.
Tani është koha për një aventurë të re.
Me shumë dashuri,
Valoni
/ka.ta/Fjala.al/
