Interi i Kontes përballet të premten me “specialistët” spanjollë të Seviljes. Me mbylljen e fazës gjysmëfinale, Liga e Evropës ka njohur tanimë edhe emrat e dy skuadrave që do të diskutojnë për finalen e madhe. Dhe do të jetë një duel italo-spanjoll finalja e veprimtarisë së dytë të klubeve të kontinentit, pasi Interi dhe Sevilja do sfidojnë njëra-tjetrën për këtë trofe. Kështu, do të jetë një duel italo-spanjoll finalja e veprimtarisë së dytë të klubeve të kontinentit, Ligës së Evropës, pasi Interi dhe Sevilja do sfidojnë njëra-tjetrën për këtë trofe.
Italianët vijnë në finalen e madhe të së premtes pas fitores së thellë, 5-0, që arriti të hënën në mbrëmje ndaj Shahtjorit të Donjeckut, me një gol të shënuar në pjesën e parë dhe 4 të realizuar në 25 minutat e fundit të pjesës së dytë. Ndërkaq, 5 herë fituesja e këtij trofeu, Sevilja, ka kapërcyer të dielën pësimin e një goli, duke përmbysur gjithçka dhe duke fituar 2-1 ndaj Mançester Junajtid, në takimin e parë të gjysmëfinaleve.
Italianët erdhën në Ligën e Evropës pasi u eliminuan nga faza e grupeve të Ligës së Kampioneve, ndërsa spanjollët mbeten padyshim specialistë të veprimtarisë së dytë të klubeve të kontinentit, pasi e kanë fituar 5 herë këtë trofe, ndërsa kthehen në finale pas 5 vitesh mungesë. Interi, që ka korrur sukses me skemën 3-5-2 që ka përdorur trajneri Antonio Konte do të shpresojë tek forma e dy sulmuesve të vet, Romelu Lukaku dhe Lautaro Martinez, që së bashku kanë realizuar mbi 50 gola këtë sezon.
Në krahun tjetër, sikundër e dëshmoi edhe në ndeshjen me Mançester Junajtid, Sevilja e drejtuar nga ish-trajneri i Spanjës, Julen Lopetegui, i cili përdor një 4-3-3 tipike, është një skuadër që nuk ka lojtarë që spikatin, por ka një lojë të fortë të grupit dhe pragmatizmin e saj për të arritur rezultatin. Të dyja skuadrat kanë portierë që kanë spikatur, me Bonon që ishte vendimtar ndaj Mançester Junajtid në gjysmëfinale, por edhe me Samir Handanoviçin që po i afrohet 300 ndeshjeve me skuadrën italiane dhe synon trofeun e tij të parë. Ru.Do/ Fjala
