Është pjesë e brezit të shqiptarëve emigrantë të rritur në botën perëndimore, të cilët pasioni për futbollin i ka bërë që të shpërblehen një ditë. E tillë është edhe historia e talentit shqiptar, Albion Ademi.
Ai po kalon një formë të mirë në elitën e futbollit finlandez. Sulmuesi 21-vjeçar është shndërruar në një makineri golash te skuadra e Mariehamn, teksa ka tundur plot 8 herë rrjetën në 11 javë të kampionatit, si dhe ka dhënë 3 asiste, duke kryesuar listën e golashënuesve.
Me këtë ecuri fantastike, sulmuesi duket se do të jetë në planet e trajnerit të Kombëtares Shqiptare të Futbollit, Edi Reja. Madje, me këtë ritëm nuk përjashtohet mundësia që të përfshihet në 2 ndeshjet e muajit shtator të vlefshme për Ligën e Kombeve. /Ra.My.Fjala.al/
