Nga Kosta Grillo ekskluzive për “Fjala”
E kujt do t’ia merrte mendja në fillim të viteve 2000 se një ditë portieri nigerian Emanuel Egbo i prurë në kampionatin shqiptar nga ish presidenti egjiptian i bardhebluve i ndjeri El sayed për llogari të bardhebluve se mund të shndërrohej në një trajner te Tiranës dhe madje të suksesshëm.
Kur Egbo u Shfaq në kuadratin bardheblu pak njerëz ose aspak e dinin faktin që ai kishte qenë pjesëtar i skuadrës përfaqësuese se Nigerisë ne kampionatin botëror 1998 duke qenë portieri i 3 shqiponjave afrikane.
Biznesmeni El Sayed përpara se te vinte në Shqipëri kishte qenë presidenti i klubit të qytetit të tij te lindjes El Masry..ku edhe kishte marrë Egbon nga Afrika si një portier shumë i talentuar…e nga El Masry ja ndërtuesi i madh egjiptian sapo mori timonin e tiranes e mori diamantin nigerian ne kryeqytetin shqiptar.
Shumë shpejt Emanuel Egbo fjalëpak e talentshumë filloi të rrëmbeje zemrat jo vetëm të bardhëbluve por gjithë opinionit sportiv shqiptar me perfomancën e tij, me profesionalizmin e tij me sjelljen dhe korrektesën e tij, e pak nga pak ai filloi te shndërrohej në një shqiptar.
Mbi 150 ndeshje ne portën e bardhebluve Egbo u shndërrua ne një nga pikat me te forta te klubit kryeqytetas e duke u cilësuar si një portier shume i aftë ne superligën tonë, pastaj karriera e tij vazhdoi për pak kohe edhe në Ballsh ku mbrojti edhe portën e Bylysit derisa arriti të var në gozhdë dorezat përfundimisht .
Në 2011 pasi e mbrojti për 92 ndeshje portën e mallakastriotëve ish portieri i përfaqësueses se Nigerisë (12 ndeshje me kombëtaren) filloi të ushtrojë profesionin e trajnerit te portierëve duke dhuruar eksperiencën dhe profesionalizmin e tij për të stërvitur portierë te rinj e të talentuar
Emanuel Egbo ndërkohë përfiton edhe parashtesoren shqiptare duke u lidhur tashmë përfundimisht edhe shpirtërisht edhe zyrtarisht me atdheun e tij te dytë siç e cilëson ai me shqipen e pastër.
Në vitet 2013- 2014 Egbo i besohet posti i trajnerit të parë tek skuadra e Bylyslit nga presidenti Besnik Kapllanaj që për hir të së vërtetës ishte njeriu i pare që arriti të dallojë tek afrikani cilësitë e tij të nevojshme për të drejtuar një skuadër te ligës superiore si trajner i parë.
Egbo filloi pak nga pak shkallë-shkallë ashtu njësoj si edhe në kohën kur ai luante vete te rritej ne karrierën e tij modeste si trajner…duke mbajtur e ruajtur te njëjtin profil të njëjtën sjellje, te njëjtën modesti…fjalëpake punëshumë derisa ne 2014 ën ai rikthehet përfundimisht ne shtëpinë e tij…Tirana dhe presidenti pasionant Refik Halili e duan dhe e respektojnë në maksimum afrikanin jo vet si njeri por edhe si profesionist…e ai nuk i zhgënjen kurrë…Nga trajner portierësh e kur edhe ka luajtur vete si portier Egbo ka arritur tu ‘”vjedhë” zanatin shumë e shumë trajnerëve shqiptarë por edhe të huaj derisa erdhi çasti i shumëpritur.
Në fundin e vitit të kaluar në 2019-n nga Tirana largohet trajneri Ardian Mema dhe duhej një trajner i përkohshëm. Refik Halili nuk mendohet gjatë por e ngjit Egbon nga trajner portierësh (2014/2019) në trajner të parë duke e veshur me këtë kostum të madh për herë të parë një afrikan në timonin drejtues të bardhebluve…por nga ana tjetër besimtari i madh në Zot…Emanuel Egbo nuk jua thyen zemrën bardhebluve…përkundrazi pas më shumë se 10 vjet rikthen në kryeqytet titullin e 25-të e duke vazhduar rrugën e tij të suksesshme edhe në ndeshjen kundër Dinamos së Tbilisit, por edhe kundër Zvezdës…që me pak fat më tepër edhe mund të kualifikohej. “Dua të marr pjesë në grupet e UEFA Europa Leauge” synon trajneri i parë afrikan dhe i suksesshëm në Shqipëri.
