Është hedhur në Nyon shorti për fazën e dytë eliminatore të Europa League, që ka rezervuar skuadra shumë të forta për ekipet shqiptare. Ashtu si në raundin e parë, edhe në këtë raund, ndeshjet do të jenë me një takim.
Short ferri për Teutën dhe Kukësin. Goglat i kanë vënë përballë ekipeve të La Ligës dhe Bundesligës. Durrsakët e Edi Martinit do të presin në shtëpi Granadën, ndërkohë që Kukësi ka përballë Volfsburgun.
Kundërshtar disi më bujar për Laçin, në krahasim me Kukësin dhe Teutën. Kurbinasit e Cungut kanë “shamngur” Totenhemit, teksa do të presin izraelitët e Hapoel Ber Sheva.
Për sa i përket 2 ekipeve shqiptare që përfaqësojnë Maqedoninë e Veriut, Shkëndija do të jetë mysafire në Rumani, ndaj Botoshanit të Filit dhe Papës, teksa Renova do të presë Hajdukun e Ismajlit dhe Tahirajt.
Përballjet e ekipeve shqiptare:
Renova-Hajduk Split
Teuta-Granada
Laçi-Hapel Ber Sheva
Botoshan-Shkëndija
Kukësi-Volfsburg/Bl.Ba/Fjala.al
