Mustapha Adib është zgjedhur këtë të hënë kryeministri i ri i Libanit.
Pasi mori mbështetjen e partive të mëdha për të formuar qeverinë e re, Adib do të përballet me dy nga vështirësitë më të rëndësishme në vend, pasojat e shpërthimit në portin e Bejrutit dhe një krizën financiare të shkaktuar nga kjo ngjarje.
Por kush është Mustapha Adib?
Adib u lind në qytetin verior të Tripolit. Ai është një mysliman suni. Në faqen e ambasadës, ai shfaqet si një akademik, që mban një doktoraturë në shkencat politike.
48-vjeçari, nga viti 2000 deri në 2004 shërbeu si këshilltar i Najib Mikati, miliarderi dhe ish-kryeministri i cili mbështeti edhe emërimin e tij.
Më vonë, në vitin 2011, kryeministri i atëhershëm Mikati e emëroi Adib si shefin e tij të kabinetit, çka u refuzua nga opozita.
Që nga viti 2013, ai ka mbajtur postin e ambasadorit të Libanit në Gjermani. Emri i tij u bë publik të dielën për të zëvendësuar Hassan Diab. Qeveria e këtij të fundit dha dorëheqjen pas ngjarjes tragjike që ndodhi në portin e Beiutit në fillim të gushtit./Er.Ke/Fjala.al
