Babai dhe agjenti i Leo Messi, Jorge, zbarkoi herët në mëngjes në Barcelonë për të sqaruar të ardhmen e yllit argjentinas.
Kur po dilte nga terminali i aeroportit Katalanas, një grup gazetarësh e prisnin atë, duke dashur të merrnin disa informacione nga ai në lidhje me largimin e mundshëm të djalit të tij nga Barça, por Jorge Messi ka preferuar ti përcjellë me një fjali të vetme: “Unë nuk di asgjë, djema”.
Babai i lojtarit aktual të ’10’ te Barça u largua nga vendlindja e tij Rosario të martën për në kryeqytetin katalanas për t’u takuar me djalin e tij dhe më vonë me Josep Maria Bartomeu. Ekipi ligjor i lojtarit tashmë i ka shprehur klubit, përmes burofax, qëllimin e tij për t’u larguar nga Barça dhe tani Jorge Messi do të përpiqet të negociojë largimin.
Pozicionet janë ende larg: Bartomeu nuk dëshiron të mbahet mend si presidenti i cili lë lojtarin më të mirë në histori të shpëtojë dhe e vetmja gjë që ai dëshiron të negociojë është një rinovim, ndërsa Argjentinasi kërkon një largim miqësor.
Presidenti i Barça i referohet klauzolës prej 700 milion eurosh nëse argjentinasi dëshiron të nënshkruajë për Manchester City, PSG, Inter Milan ose ndonjë ekip tjetër.
Ndërsa nga klubi ata mbeten të papërkulur, duke u strehuar në kontratë dhe klauzolën e skadimit të lirimit të 10 qershorit, babai dhe agjenti i Messit mbron që rrethanat e jashtëzakonshme të sezonit, me ndalimin për shkak të pandemisë, lejojnë që djali i tij të largohet falas nga ekipi.
Leo Messi, nga ana e tij, nuk ka folur ende publikisht. Ai nuk u paraqit të dielën për testet PCR te Barça dhe ai nuk ka marrë pjesë në asnjë nga trajnimet nën Ronald Koeman./Bl.Ba/Fjala.al
