Kanë kaluar pesë javë qe nga dita qe Bjellorusia publikoi rezultatet e zgjedhjeve presidenciale, sipas të cilave Presidenti Alexander Lukashenko, i njohur si diktatori i fundit i Europës, rezultoi fitues me 80.23% të votave.
Në javët pasardhëse, shteti Bjellorus është përballur me valë protestash masive të qytetarëve të cilët besojnë se votimet ishin të manipuluara. Nga ana tjetër policia vendase nuk ka hezituar të përdor dhunë të paprecedent kundrejt tyre. Por, ajo ç’ka është më shqetësuese është se tre femra të profilit të lartë të partisë opozitare janë zhdukur nga sytë e publikut ose janë larguar nga vendi.
Kontrolli kufitar Bjellorus deklaroi këtë të Martë përmes medias shtetërore të vendit, se Maria Kolesnikiova, një figurë kyçe opozitare, është ndaluar në anën Bjelloruse të kufirit me Ukrainën.
“Zhdukja e kandidateve tregon përtej çdo dyshimi egërsinë e këtij regjimi dhe sesa e rëndësishme është që komuniteti ndërkombëtar të mos humbas interesin në ngjarjet e tmerrshme që kanë kapluar vendin që prej zgjedhjeve, “është shprehur për CNN Tom Tugendhat, kryetar i Komitetit për Marrëdhëniet e Matshme të Mbretërisë së Bashkuar.
Kolesinova bashkoi forcat me dy kandidatet e tjera opozitare Svetlava Tikhanovskaya dhe Veronika Tsepkalo, për t’ju kundërvënë Lukashenkos në zgjedhje, pasi shumë prej kandidatëve të tjerë opozitar ju ndalua kandidimi ose u burgosën.
Tikhanovskaya dhe Tsepkalo u larguan nga shteti Bjellorus menjëherë pas shpalljes së rezultatit të zgjedhjeve, ndërsa Kolesnikova qëndroi dhe vendosi të fliste kundër rezultatit. Në një intervistë, për CNN, ajo deklaroo se Lukashenko “ duhet ta pranoj faktin qe Bjellorusët nuk e pëlqejnë atë dhe nuk duan që ai të qëndroi President i Bjellorusisë” .
Maria Kolesnikova
Kolesnikova u zhduk në Minskun qëndor të Hënën. Vetëm pak orë më vonë, u zhduken dhe dy prej kolegëve të saj nga Këshilli i Kordinimit, grupi më i madh opozitar bjellorus.
Sipas Kontrollit Kufitar Bjellorus, koleget e saj kaluan pikën kufitare Alexandrovka drejt Ukrainës ndërsa Kolesnikova nuk ka mbërritur në piken kufitare të Ukrainës për kontroll.
Svetlana Tikhanovskaya
Tikhanovskaya, kandidatja kryesore opozitare, e cila zuri vendin e bashkëshortin të saj që u burgos nga presidenti, kundërshtoi publikisht rezultatet e zgjedhjeve (sipas te cilave ajo fitoi vetëm 9.9 % të votave) dhe kërkoi rinumërim të votave. Pak ditë më vonë ajo u dëbua nga vendi dhe u largua së bashku më fëmijët drejt vendit fqinjë, Lituanisë.
Veronika Tsepkalo
Tsepkalo, e cila shërbeu si këshilltare e Tikhanovskaya, u largua drejt Moskës për arsye sigurie pak para zhvillimit të zgjedhjeve.
Me parë, bashkëshorti i Tsepkalo, Valery Tsepkalo, ish-ambasadori Bjellorus për SHBA-t, nuk u lejua të regjistrohej si kandidat dhe pas kërcënimeve të për arrest, u largua së bashku më fëmijët drejt Rusisë. Familja Tsepkalo është tashmë në azil ne Poloni. Tsepklao është shprehur nga Polonia se “President i vetëm i ligjshëm i vendit është Svetlana Tikhanovskaya dhe se qëllimi i tyre i vetëm është të largojnë Lukashenkon”. Ajo shtoi se do të dëshironte të kthehej ne Bjellorusi, por e kupton që mundësitë që ajo të burgoset janë “ shumë shumë të larta.”
La.Mi/Fjala.al
