Mijëra qytetarë dolën në rrugët e kryeqytetit të Podgoricës për të protestuar kundër përdorimit të simboleve serbe nga partitë opozitare të cilat fituan zgjedhjet javën e kaluar.
“Këtu nuk është Serbi dhe ne nuk heqim dorë nga Mali i Zi”, ishin disa prej thirrjeve të protestuesve të cilët mbanin në duar flamujt kombëtarë dhe këndonin këngë patriotike në të njëjtën kohë.
“Mendoj se njerëzit janë mbledhur këtu për të mbështetur paqen, harmoninë dhe tolerancën më shumë sesa interesat kombëtarë. Ne jetojmë të gjithë në harmoni si vëllezër. Nuk na duhen ndasitë dhe prandaj mbështes Gjukanovic”, tha një ndër protestuesit.
“Jam kundër faktit që flamuj të tjerë të valëviten në vendin tone, qoftë ai shqiptar, boshnjak, serb, turk apo gjerman”, u shpreh Nezvet Musovic.
Partia demokratike e socialistëve e presidentit Milo Gjukanovic, humbi zgjedhjet parlamentare të javës së kaluar.
