Cesare Battisti, terroristi i njohur italian, anëtari themelues i grupit radikal italian që quhet ”Proletarët e armatosur për komunizmin” ka hyrë në grevë urie në burg kundër izolimit.
Përmes një letre, ai ka vënë në dijeni avokatin e tij Davide Steccanella.
“Pasi më kanë mbaruar të gjitha mjetet e tjera për të pohuar të drejtat e mia, ndihem i detyruar të hyj në një grevë totale urie dhe refuzoj terapinë.”
Terroristi Italian ndodhet prej më shumë se një viti e gjysmë në izolim në burgun Oristano.
Një masë e tillë sipas avokatit të tij është krejtësisht “e paligjshme”.
Cesare Battisti u arrestua në Bolivi në 2019. Ai u dënua në vitin 1993 për katër vrasje politike në vitet ’70./Er.Ke/Fjala.al/
