Ish-kryeministri Fatos Nano njihej në publik për ironinë që përdorte dhe mesazhet e koduara që jepte.
Në redaksitë e gazetave dhe televizioneve të kohës thuhej se gazetarëve dhe redaktoreve u duhej kohë që të “përkthenin” për publikun atë që kishte thënë kryeministri në deklaratën për media.
Kjo sepse Fatos Nano fliste me një gjuhë teknike dhe shpesh shumë akademike, gjuhë që ishte shumë e pakuptueshme për popullin.
Në karrierën e tij në politikë, Fatos Nano ka fituar 3 herë zgjedhjet parlametare dhe ka marrë detyrën e kryeministrit, por ka qenë kryetar i PS-së në shumë zgjedhje lokale dhe parlamentare.
Por çfarë kanë sjellë zgjedhjet në këtë vend në 30 vite tranzicion që pas rënies së sistemit komunist?
Kujtojmë këtu se në sistemin komunist nuk kishte zgjedhje por vetëm votime. Degradimi i shtetit për këto vite sa vjen dhe bëhet më i qartë. Por këtë e ka deklaruar hapur me mesazhin e tij Fatos Nano.
Fotografi i njohur Armando Babani ka fiksuar Fatos Nanon në një moment të veçantë kur ka votuar. Pasi ka hedhur votën në qendrën e votimit, Nano ka bërë një gjest shumë të turpshëm por duke dhënë një mesazh të madh.
I rrethuar nga dhjetëra fotografë, Fatos Nano pasi ka hedhur votën në kutinë e votimit, më pas ka ngritur gishtin e mesit duke parë me ironi dhe përbuzje procesin e votimit.
Mesazhi ishte i qartë, i bërë para dhjetëra gazetarëve dhe kamerave. Diçitura e fotos për kohën mund të ishte. “Kush ka sy le të shohë, kush ka mendje të vendosë trurin në punë. Ja çfarë ndodh me votat tuaja.”
Fotografi i njohur Armando Babani e ka rihedhur sot foton në “Facebook-un” e tij me komentin: “Ne kurrë nuk do të harrojmë …! Zgjedhjet prillin e ardhshëm ….!”
Presidenti Ilir Meta ka vendosur për zgjedhjet e ardhshme parlamentare që të zhvillohen më 25 prill të vitit 2021. Jemi 7 muaj para zgjedhjeve, por pyetja që ngrihet ende sot është se çfarë do të marrin shqiptarët nga këto zgjedhje.
La.Mi/Fjala.al
