E teksa Teuta i ka dhënë lamtumirën Evropës, një tjetër skuadër shqiptare do të zbresë pas pak, duke nisur nga ora 19:00, në fushën e blertë të Stadiumit “Elbasan Arena”, pasi Laçit do të përballet me Hapoel Biir Shevën në takimin e vlefshëm për turin e dytë eliminator të veprimtarisë së dytë të klubeve të kontinentit në futboll.
Izraelitët e kanë mundur më parë Laçin, por, edhe pse përballë ka një skuadër disi më favorite në letër, lojtarët e trajnerit Armando Cungut, kanë mundësi reale për të bërë mrekullinë dhe për të kaluar në turin e 3-të. Trajneri shkodran i kurbinasve, nuk ka preferuar të bëjë ndryshime nga sfida ndaj azerëve të Keshlës.
Kështu, vendin e Ramosit të ndëshkuar me karton të kuq, e ka zënë Shehu, i cili ishte i dëmtuar, ndërkohë që pjesa tjetër mbetet e njëjtë. Padyshim që të gjithë sytë janë të sulmuesi amerikan, Nuabueze, i cili ka treguar se kur është në ditë të mirë di të bëjë diferencën.
FORMACIONET ZYRTARE:
Laçi: Sherri, Marku, Selmani, Ignjatoviç, Turkaj, Deliu, Shehu, Lushkja, Teko, Nuabueze, Xhixha. Trajner: A. Cungu.
Hapoel Beer Sheva: Levita, Dadia, Taha, Migel Vitor, Goldberg, Josefi, Kabha, Jozue, Sallaliç, Shuiro, Akolace. Trajner: Zh. Abukasis.
Pa.Va/Fjala.al
