Presidenti Turqisë, Rexhep Tajip Erdogan zhvilloi ditën e sotme një telekonferencë me Presidenten e KE Ursula von der Leyen.
Në fokus të diskutimeve ka qenë marrëdhënia midis BE dhe Turqisë, si dhe konflikti me Greqinë për Mesdheun. Mediat turke raportojnë se Erdogan i tha Presidentes se “kërkesat maksimaliste të Greqisë dhe Qipros ishin në zemër të tensioneve në Mesdheun lindor dhe se të dy vendet po injoronin të drejtat e turqve.”
Duke deklaruar se Turqia gjithmonë ka bërë thirrje për dialog që nga fillimi i tensionit, Erdogan vuri në dukje se vendi i tij është i gatshëm për bisedime eksploruese me palën greke dhe shprehu shpresën se “Greqia nuk do të humbasë mundësinë për diplomaci edhe një herë”.
Ndërkohë jo më larg se dje, ministria e Jashtme greke njoftoi se “Greqia dhe Turqia kanë rënë dakord të zhvillojnë së shpejti raundin e 61-të të Bisedimeve Kërkimore në Stamboll”
Pa.Va/Fjala.al
