Roma dhe Juventus janë ndarë në barazim 2-2 në supersfidën e Serie A. E vlefshme për javën e dytë të kampionatit, kjo sfidë dhuroi emocione, gola dhe kartona. Veretout hapi serinë e golave për kryeqytetasit me një penallti, që u barazua nga Cristiano Ronaldo po nga 11-metërshi. E kur dukej se pjesa e parë po mbyllej në barazim ishte sërish Vertetout ai që kaloi në avantazh Romën me një kundërsulm të bukur me Mkhitaryan.
Në pjesën e dytë Juventusi tentoi të barazonte rezultatin dhe ja doli me të përhershmin Ronaldo i cili kërceu më lart se mbrojtja e Romës dhe shënoi me kokë pas krosit të Danilos. Portugezi i Juventusit, me dygolëshin e shënuar këtë mbrëmje ka arritur 450 gola të shënuar në pesë kampionate të mëdha evropiane. Dalja me të kuq e Rabiot i vështirësoi disi gjërat për skuadrën bardhezi, por sfida u mbyll në barazim 2-2. Vlen të theksohet një paraqitje e shkëlqyer nga mbrojtësi kuqezi Marash Kumbulla.
Ndërkohë ne Spanjë, Barcelona e nisi mbarë La Liga-n duke triumfuar 4-0 në shtëpi ndaj Villarealit. Protagonisti absolut i sfidës ishte talenti 17-vjeçar, Ansu Fati, i cili shënoi 2 gola dhe fitoi një penallti që u kthye në gol nga Messi. Këtyre golave ju shtua dhe autogoli i mbrojtësit Torres nga ana e Villareal. Kështu trajneri Koeman e nis mbarë aventurën e tij të re në Katalunjë me një fitore bindëse.
Pa.Va/Fjala.al
