Ngadhënjen 5-4 pas 11-metërshve në duelin me Liverpulin, pasi koha e rregullt i mbyll 0-0.
Kupa e Ligës Angleze, ka vijuar të enjten takimet e turit të saj të 16-shes, dhe transmetuesi publik ka sjellë për sportdashësit drejtpërdrejt në kanalin RTSH Sport takimin më të spikatur të mbrëmjes atë midis Liverpulit dhe Arsenalit.
Dy gjigandet angleze kërkonin t’i bashkoheshin në 8 më të mirat e kësaj veprimtarie Totenhemit, Njukasëllit, Mançester Sitit, Mançester Junajtid, Evertonin, Brentfordit dhe Stouk Sitit, që e kishin siguruar që më herët biletën për në çerekfinale.
Përtej pritshmërive, por edhe për arsye se të dy trajnerët zgjodhën t’u japin, sikundër në fakt kanë bërë gjatë kësaj veprimtarie më tepër hapësirë dhe minuta lojtarëve të stolit, pjesa e parë nuk ka prodhuar gola, duke bërë që ky 45-minutësh të mbyllet me rrjeta të paprekura.
Edhe 45-minutëshi i dytë do të ofrojë të njëjtën tablo, me të dyja skuadrat të paafta për ta thyer qëndresën e njëra-tjetrës, duke bërë që koha e rregullt të mbyllet e bardhë.
Sipas formulës së kësaj veprimtarie, gjithçka u është drejtuar goditjeve të 11-metërshve, aty ku Elneni gaboi goditjen e 3-të për Arsenalin, por Origi gabon të 4-tën për Liverpulin dhe, në goditjen e 6-të dhe atë shtesë, Xhons gabon për vendasit.
Dhe Arsenali vijon kështu më tej në çerekfinale të Kupës së Ligës Angleze, ndërsa Liverpuli heq dorë nga një trofe i mundshëm./Bl.Ba/Fjala.al
