Vendimi është bërë me dije nga vetë kryeministri i vendit, Boris Johnson, i cili është shprehur se është detyruar ta marrë këtë vendim, pas shtimit të rasteve.
Deri më datë 2 dhjetor, Anglia do të jetë e izoluar dhe çdo gjë tjetër, përveç, shkollave, supermarketeve dhe farmacive, asgjë tjetër nuk do të jetë hapur.
Nga shtëpia do të dalin vetëm nxënësit dhe studentët që duhet të shkojnë në shkollë, ose ata që bëjnë pazaret për shtëpinë, me një leje të posaçme. Askush tjetër, nuk duhet të dalë në rrugë! Vizitat mes familjarëve janë të ndaluara, në mënyrë që të eliminohet çdo kontakt.
“Është koha të veprojmë, nuk mund të lëmë virusin, të vendosë për të ardhmen e fëmijëve tanë,”, tha Johnson.
Që prej fillimit të pandemisë deri më tani në Britani kanë humbur jetën 46,222 persona dhe janë infektuar 989.745 të tjerë. Sakaq në gjendje të rëndë për jetën janë 975 të tjerë.
Kështu, Britania bëhet vendi i katërt që futet në karantinë pas Francës, Gjermanisë dhe Belgjikës.
Pa.Va/Fjala.al
