Zonja e Parë e Amerikës, Melania Trump ka votuar në Palm Beach të Floridës, për zgjedhjet për president, duke marrë gjithë vëmendjen për veshjen e saj.
Ajo që ra në sy është se Zonja e Parë e SHBA-së nuk kishte vendosur maskë. Elegante, me një fustan Gucci që kushton 4,500 dollarë, 50-vjeçarja nuk i kurseu buzëqeshjet për gazetarët. E pyetur pse nuk votoi me burrin e saj javën e kaluar, ajo tha:
“Është Dita e Zgjedhjeve, kështu që unë doja të vija këtu për të votuar”, tha ajo.
Zonja e Parë, bashkëshorti i saj, Donald Trump, dhe djali i tyre Barron u prekën nga Covid-19 kur virusi hyri edhe në Shtëpinë e Bardhë. Megjithatë, Melania bëri të pamundurën për të ndaluar përhapjen e virusit. Ajo, madje, i tha stafit të punonte nga shtëpia nëse nuk ishte shumë e nevojshme dhe u kërkoi atyre të mbanin maska.
Florida, është një nga disa shtetet kryesore ku Donald Trump shpreson të sigurojë fitoren ndaj kandidatit demokrat Joe Biden. Më herët, Trump u shpreh i sigurt në një intervistë per Fox News, se në Florida ka fituar.
Pa.Va/Fjala.al
