Luhen 7 ndeshjet e javës në parë në të dy grupet, shënohen vetëm 16 gola. Sezon i ri i Kategorisë së Parë të Kampionatit Kombëtar të Futbollit, që ka nisur të mërkurën, do të vijë i gjithi drejtpërdrejt në Rrjetin e Radio-Televizionit Shqiptar. Dhe transmetuesi publik ka sjellë në kanalin RTSH Sport përballjen më të spikatur të javës, atë që u zhvillua në Stadiumin “Tofik Jashari” të Shijakut midis Erzenit vendas dhe Dinamos.
Blutë kryeqytetas kanë fituar me rezultatin 2-0 ndaj Erzenit, në këtë përballje të vlefshme për grupin A, apo grupin e Veriut, aty takimi Korabi-Oriku është mbyllur me rrjeta të paprekura në Peshkopi, ndërsa Besëlidhja dhe Burreli kanë korrur fitore bindëse në shtëpi, përkatësisht 3-0 ndaj Vorës dhe 5-1 ndaj Veleçikut.
Ndërkaq, në grupin B, apo grupin e Jugut, janë luajtur vetëm 3 ndeshje, teksa Pogradeci duhej të ndeshej me Luftëtarin, që për momentin nuk ekziston, ndërsa Tomori, për efekt kalendari, është pushim. Në takimet e zhvilluara, Flamurtari dhe Turbina e Cërrikut janë ndarë me rrjeta të paprekura në Vlorë. Ashtu sikundër është mbyllur në barazim, por në shifrat 1-1, edhe përballja midis Lushnjës dhe Besës, ndërsa Egnatia e Rrogozhinës ka fituar 3-0 në Elbasan përballë skuadrës vendase. Më poshtë është edhe pasqyra e plotë e të gjitha rezultateve të javës
Kategoria e Parë
Java e parë:
Grupi A
Erzeni – Dinamo 0-2
Besëlidhja – Vora 3-0
Korabi – Oriku 0-0
Burreli – Veleçiku 5-1
Partizani B pushim
Grupi B
Flamurtari – Turbina 0-0
Lushnja – Besa 1-1
Elbasani – Egnatia 0-3
Pogradeci pushim
Tomori pushim
Pa.Va/Fjala.al
