Ka qenë një nisje fantastike kjo e së mërkurës për kampionët në fuqi të Kategorisë Superiore, Tiranës, që edhe pse me 6 mungesa në formacion, arritën të mposhtnin verilindorët e trajnerit Skënder Gega, të cilët janë, të paktën në letër, një ndër skuadrat më të forta të kampionatit. Tirana ka mposhtur Kukësin në kryendeshjen e javës së parë të Kategorisë Superiore me rezultatin 2-0, falë dygolëshit të shpejtë të futbollistit Filip Najdovski.
Të dy golat shumë të ngjashëm me njëri-tjetrin, u realizuan me kokë nga maqedonasi, pas harkimeve nga krahu i majtë i goditjes së këndit. Tirana e ka nisur me hap kampioni. Bardheblutë kanë mundur me rezultatin e pastër 2-0 ekipin e Kukësit, edhe pse kishin disa mungesa të rëndësishme. 25-herë kampionët e vendit e zgjidhën ndeshjen që në fillim. Filip Najdovksi, në harkun kohor të 10 minutave, shënoi gy gola gati identikë dhe i dha shkaktoi humbjen e parë Kukësit të drejtuar nga Skënder Gega.
Verilindorët shfaqën dobësi në mbrojtje dhe do të duhet punë që të jetë ekipi i vjetshëm dhe trajneri i Kukësit, Skënder Gega, nuk e fshehu zhgënjimin nga paraqitja e skuadrës në sfidën ndaj Tiranës, ku u mposht me rezultatin 2-0.
“Kishim punuar në të gjitha aspektet, – ka deklarua ai. – Por të ndëshkohesh 2 herë nga goditja e këndit është fatale. Kemi punuar, kemi qenë të kënaqur, por sot nuk treguam vlerat tona. 2 golat patën efektin e vetë. Është e vështirë të reagosh. Nuk pati një freski.”
Ndërkaq, homologu i tij, Emanuel Egbo, natyrshëm ka qenë i kënaqur me 3 pikë, e për më tepër përballë një rivali të drejtpërdrejtë si Kukësi. “Është një fillim i mbarë, siç u dhashë edhe çunave, – ka deklaruar nigeriani i bardhebluve kryeqytetas. – Fillimi i mbarë është gjysma e punës. Ata ia dolën të tregojnë paraqitje shumë të mirë, duke treguar shpirt gare. Nëse Muçi do kishte shënuar golin e tretë në rastin që kishte, do isha më i qetë.”
Pa.Va/Fjala.al
