Joe Biden u shpall presidenti i ardhshëm i Shteteve të Bashkuara ditën e shtunë dhe kjo gjë solli menjëherë reagimin e Donald Trump.
Në fakt, Donald Trump sipas mediave amerikane po luante golf, por stafi i Trump lëshoi një deklaratë në emër të tij duke pretenduar se Biden nuk ishte fituesi real dhe se do të luftonin me përpjekje ligjore për këtë fitore sipas tyre të vjedhur.
“Ne të gjithë e dimë pse Joe Biden po nxiton të paraqitet në mënyrë të gabuar si fitues dhe pse aleatët e tij në media po përpiqen kaq shumë ta ndihmojnë atë: ata nuk duan që e vërteta të zbulohet,” thuhej në deklaratë.
Fakt është që këto zgjedhje nuk kanë mbaruar kurrë. Joe Biden nuk është çertifikuar si fituesi i asnjë shteti. Votat ligjore vendosin se kush është president, jo media e lajmeve,” ka shkruar stafi.
CNN, NBC, ABC, CBS, AP dhe USA Today të gjitha këto media e njoftuan menjëherë lajmin dhe Fox Neës i ndoqi 10 minuta më vonë.
Votat e numëruara në Pensilvania, e çuan atë në 273 vota elektorale – duke i dhënë 77-vjeçarit Shtëpinë e Bardhë. Shtetet e Nevada, Arizona, Georgia dhe Carolina e Veriut ishin ende duke numëruar votat.
Biden tani duhet të betohet në 20 Janar si Presidenti i 46-të i Shteteve të Bashkuara. Presidenti i zgjedhur tani po përgatitet t’i drejtohet kombit sonte me një fjalim.
Pa.Va/Fjala.al
