Çfarë është “Konferencë Liga”, turneu i 3-të evropian që kulmon në “Arenën Kombëtare” në 2022-shin

113 563 lexime

124,178FansaPëlqeje

Zyrtare, Tirana mirëpret një finale të madhe: Turneu i 3-të evropian, “Konferencë Liga”, kulmon në “Arenën Kombëtare” në 2022-shin.

Kështu, Tirana do të jetë për herë të parë mikpritëse e një finaleje të madhe evropiane, pasi do të mirëpresë në 2022-shin finalen e “Konferencë Ligës”. Duke folur pas mbledhjes së Komitetit Ekzekutiv të UEFA-s, Presidenti i FSHF-së, Duka, ka përshëndetur këtë ngjarje të madhe dhe ka falënderuar të gjithë ata që bënë të mundur sjelljen e një finaleje evropiane në Shqipëri.

Finalja e “Konferencë Ligës” më 25 maj 2022 do të zhvillohet në Arenën Kombëtare në Tiranë. Është ky vendimi i pasdites të së enjtes të Komitetit Ekzekutiv të Federatës Evropiane të Futbollit, ndërsa kjo është hera e parë në historinë e futbollit shqiptar që vendi mirëpret një finale evropiane të këtyre përmasave. Në këtë mbledhje mori pjesë edhe Presidenti i Federatës Shqiptare të Futbollit, Armand Duka, njëherësh edhe anëtar i Komitetit Ekzekutiv të UEFA-s, i cili ka pasur një rol kyç duke lobuar vazhdimisht për këtë vendim.

Presidenti Duka ka përshëndetur këtë ngjarje të madhe dhe ka falënderuar të gjithë ata që bënë të mundur sjelljen e një finaleje evropiane në Shqipëri. “3 dhjetor 2020, një tjetër datë historike për futbollin dhe për Shqipërinë! – ka thënë ai, duke folur pas vendimit. – Komiteti Ekzekutiv i UEFA-s vendosi t’i besojë FSHF-së organizimin e finales së parë të veprimtarisë më të re evropiane “Konferens Ligë”, në vitin 2022. Kjo është një ngjarje e rëndësishme për futbollin, Tiranën dhe Shqipërinë! Për këtë duhet të ndihemi të gjithë krenarë.”

“Është gjithashtu edhe një dhuratë e çmuar për Shqipërinë dhe shqiptarët, që më në fund mund të gëzojnë pas shumë peripecish të kaluara, që nga tërmeti e deri te pandemia Covid-19 që po përjetojmë, – ka vijuar kreu i FSHF-së. – Urojmë që ky lajm t’i hapë rrugën lajmeve të tjera pozitive për shqiptarët”. Ndër të tjera Duka ka falënderuar administratën e Federatës Shqiptare të Futbollit për plotësimin e qindra formularëve, pyetësorëve dhe dosjeve për aplikim.

Lexo edhe :  "Futbolli është një botë e rreme", sinjali i fundit nga Balotelli

Sikurse ka falënderue dhe drejtuesit e anëtarët e Komitetit Ekzekutiv të UEFA-s për mbështetjen dhe besimin. Kreu i organizmit që qeveris futbollin shqiptar ka garantuar organizimin perfekt të kësaj finaleje. Veprimtaria e tretë evropiane dhe më e reja, që vjen pas Ligës së Kampioneve dhe Ligës së Evropës, nis më 8 korrik 2021, fillimisht me tre raunde eliminatore dhe mandej “play-off”. E më tej faza e grupeve nga 16 shtator deri më 9 dhjetor.

Më 17 dhe 24 shkurt do të ketë një tur të 32-shes me eliminim direkt. Kurse 10 marsi deri më 5 maj do të jetë turi i 16-shes, çerekfinalet dhe gjysmëfinalet. Finalja më 25 maj 2022 në Arenën Kombëtare. Shqipëria mbi bazën e koeficientit, ndërsa renditet e 38-ta, do të jetë me tre ekipe pjesëmarrëse, sepse kjo do të jetë një veprimtari ku do t’i jepet përparësi ekipeve të vogla. Sidoqoftë, e rëndësishme është që do të zhvillohet një finale evropiane në Arenën Kombëtare përuruar më 17 nëntor 2019.

Pa.Va/Fjala.al

Të fundit

Kjo orë nuk bën asgjë dhe kushton 790 euro

Orët zakonisht përdoren për të treguar kohën – por nëse pyet markën suedeze Our Legacy, as kjo nuk është...

Izraeli njofton ndërtimin e 22 vendbanimeve hebraike në Bregun Perëndimor të pushtuar

Ministrat izraelitë thonë se 22 vendbanime të reja hebraike janë miratuar në Bregun Perëndimor të pushtuar – zgjerimi më i madh në dekada. Disa prej...

Çfarë nuk funksionoi brenda PD në 11 maj? Baçi: Ndihem përgjegjës për rezultatin e Fierit

Deputeti i Partisë Demokratike, Luan Baçi, i ftuar në studion e News24, komentoi zhvillimet e fundit politike, në ditën kur parlamenti iu rikthye punimeve...

Hailey Bieber shet markën e saj të bukurisë “Rhode” për 1 miliard dollarë

Modelja dhe sipërmarrësja Hailey Bieber ka shitur markën e saj të njohur të bukurisë dhe kujdesit të lëkurës, Rhode, te kompania e kozmetikës e.l.f....

Çfarë ndodhi?/ Berisha mbledh urgjentisht drejtuesit e qarqeve, ja arsyeja

Kreu i Partisë Demokratike, Sali Berisha, ka zhvilluar një mbledhje me drejtuesit politikë të qarqeve, që ka zgjatur rreth 30 minuta. Në fokus të takimit...

Lajme të tjera

Web TV