Mbi 330 persona janë shtruar në spital dhe një viktimë është shënuar, nga një sëmundje e paidentifikuar në Indinë juglindore.
Pacientët në qytetin e Elurusë, në shtetin e Andhra Pradesith, raportuan një sërë simptomash përfshirë humbjen e vetëdijes dhe të përziera gjatë fundjavës
“Të gjithë pacientët kanë rezultuar negativë për Covid-19”, thanë autoritetet, duke shtuar se rreth 180 pacientë kanë lënë spitalin, ndërsa të tjerët janë në gjëndje “të qëndrueshme”. Ndërsa, pacienti që ndërroi jetë kishte raportuar simptoma të ngjashme me të tjerët, por më pas kishte pësuar një arrest kardiak.
Departamenti i Shëndetit njoftoi se testet fillestare të gjakut nuk gjetën ndonjë provë të një infeksioni viral, të tillë si dengue ose chikungunya, të cilat shkaktohen nga pickimet e mushkonjave.
Autoritetet tani po testojnë mostrat e ujit për ndotje, pasi të gjithë pacientët merrnin ujë nga i njëjti burim.
“Shkaku është ende i panjohur, por jemi duke bërë të gjitha llojet e testimeve, përfshirë testimin e ushqimit dhe qumështit,” tha Departamenti i Shëndetit.
Kjo sëmundje e panjohur vjen ndërsa India vazhdon të luftojë me pandeminë Covid-19, me numrin e dytë më të lartë të infeksioneve në botë.
Andhra Pradesh është një nga shtetet më të prekura dhe aktualisht ka më shumë se 800,000 raste të konfirmuara./Re.D/Fjala.al
