Revista prestigjioze zgjedh italianin si “bilbilin” më të mirë të të gjitha kohërave. Duke qenë se dhënia e “Topit të Artë” këtë vit është anuluar për shkak të epidemisë së virusit korona, që ka shpërthyer në shkallë globale, revista prestigjioze “France Football” që e ka krijuar këtë çmim, zgjodhi që ta zëvendësojë atë me një “11-she” më të mirë të të gjitha kohërave.
Gazetarë nga 170 vende të botës, bashkëpunëtorë të revistës prestigjioze, kanë votuar për kandidatët e tyre për skuadrën ideale me skemën 3-4-3. Formacioni idela përbëhej nga portieri Lev Jashin, mbrojtësit Kafu, Franc Bekenbauer dhe Paolo Maldini, mesfushorët Ksavi, Lotar Mateus, Diego Armando Maradona dhe Pele dhe sulmuesit Lionel Mesi, Ronaldo Nazario dhe Kristiano Ronaldo.
Ndërkaq, revista e përjavshme ka vijuar me çmimet e saj, teksa e ka zgjedhur Pierluixhi Kolinën si gjyqtarin më të mirë të të gjitha kohërave. “Ai e ka shkruar historinë e futbollit, – shkruan “France Football”. – Kur është çështja te gjyqtarët, emri i parë që të bie ndër mend është i tij. Që nga debutimi i tij në vitin 1977, e deri te lamtumira e tij në vitin 2005, Kolina ka shkruar historinë e futbollit.”
Italiani ka qenë i pranishëm në 240 ndeshje të Serinë A në karrierën e tij dhe me 109 ndeshje ndërkombëtare. Ishte gjyqtar kryesor edhe në finalen e Botërorit në vitin 2002, midis Gjermanisë dhe Brazilit. Pjerluixhi Kolina u shpall gjyqtari më i mirë në botë nga Federata Ndërkombëtare e Futbollit për Histori dhe Statistika, nga viti 1998, deri në vitin 2005. Ai është edhe pjesë e “Hollit të Famës” të futbollit italian që në vitin 2011.
Pa.Va/Fjala.al
