4 ndeshjet e javës së 9-të u zhvilluan pasdreke, Vllaznia ndalet në Laç, Kastrioti frenon Kukësin. Niveli më i lartë i Kampionatit Kombëtar të Futbollit, Kategoria Superiore, ka luajtur sot pasdreke 4 takimet e javës së saj të 9-të, që është edhe java e fundit e fazës së parë. Të shtunën pasdreke janë luajtur 4 takimet e para të Kategorisë Superiore dhe Vllaznia është frenuar në Laç, duke u mundur minimalisht përballë skuadrës vendase.
Goli i Xhixhës në minutën e parafundit të kohës së rregullt u ka dhënë 3 pikët kurbinasve, duke u shkaktuar njëkohësisht shkodranëve humbjen e dytë në këto 9 javë të kampionatit. Megjithatë, shkodranët e mbyllin fazën e parë në krye të renditjes, me 19 pikë, 3 më tepër sesa Kukësi, që gjithashtu u mund të shtunën në Kamëz përballë Kastriotit.
Goli i Bardhit pas vetëm 17 minutash lojë u ka mjaftuar krutanëve për të korrur fitoren e 3-të dhe për t’u shkaktuar verilindorëve humbjen e 3-të këtë sezon. Teuta është skuadra që ka përfituar më së shumti të shtunën, pasi ka fituar minimalisht në Fier ndaj ekipit vendas. Goli i Lorenco Vilës në pjesën e parë u ka siguruar dhe tanimë mban vendin e 3-të, me 13 pikë.
Po aq sa ka edhe Kastrioti, i vendit të 4-t, por edhe Tirana e vendit të 5-të, që ndonëse me 10 lojtarë, ia doli të marrë një Korçë një pikë pas barazimit 1-1 me Skënderbeun. Java e 9-të e Kategorisë Superiore, që është edhe e fundit e fazës së parë, mbyllet me takimin Partizani-Bylis, që luhet duke nisur nga ora 16:45.
