Këshilltari kryesor i programit të vaksinave të qeverisë amerikane ka thënë se edhe njerëzit që janë infektuar tashmë me koronavirus, duhet të vaksinohen.
Moncef Slaoui tha se pyetja nëse njerëzit që janë infektuar tashmë duhet ose jo të marrin vaksinën është “me të vërtetë e rëndësishme”.
“Ajo që dimë është se është e sigurt të imunizohesh pasi të jesh i ekspozuar ndaj virusit. Kjo ka ndodhur në provat klinike, njerëzit që morën pjesë në prova kishin përjetuar ose kishin në të vërtetë një infeksion viral në kohën kur filluan të vaksinohen. Pra është e sigurt”, tha Slaoui.
“Nga ana tjetër ne e dimë që infeksioni nuk sjell një përgjigje shumë të fortë imune dhe zbehet me kalimin e kohës. Kështu që unë mendoj se si një masë paraprake e qartë është e përshtatshme që të vaksinohen sepse është e sigurt. Kjo do të shkaktojë një përgjigje imune shumë më të lartë dhe do të sigurojë që në rast se infeksioni natyror nuk shkakton mbrojtje afatgjatë, kjo do ta lejojë atë që të ketë mbrojtje më të mirë. Unë mendoj se njerëzit duhet të vaksinohen, me të vërtetë”, shtoi ai.
Pa.Va/Fjala.al
