Kompania e avionëve Boeing është detyruar të paguajë 2.5 miliardë dollar për të mbyllur hetimet penale pas 2 aksidenteve tragjike që çuan në humbjen e jetës për 346 pasagjerë.
Bëhet fjalë për aksidentin e “Lion Air 610” me 189 viktima në 29 tetor të vitit 2018 dhe atë të “Ethiopian Airlines 302”, me 157 viktima në mars të vitit 2019.
Aksidentet ndodhën vetëm pak minuta pas ngritjes nga pista dhe hetimet zbuluan se u shkaktuan si pasojë e një keqfunksionimi të një sioftueri të pilotit automatik, për të cilin pilotët nuk ishin informuar.
Miliardat e dëmshpërblimit do t’u shkojnë familjarëve të viktimave dhe aeroporteve.
