SHBA – Një çift të moshuarish, që sapo festoi 70-vjetorin e martesës, kanë ndërruar jetë si pasojë e Covid, vetëm pak minuta ndërsa mbaheshin për dore.
Të moshuarit u shtruan në spitalin e Columbus, Ohio të SHBA, me 8 Janar pasi rezultuan pozitivë me koronavirus, dhe humbën jetën vetëm pak ditë më vonë.
Shirley Meek vdiq e para, ndjekur disa minuta më vonë nga bashkëshorti i saj.
Ata ndërruan jetë vetëm tre ditë para se ishte planifikuar të merrnin vaksinën COVID-19, thanë anëtarët e familjes.
Ata kishin përfunduar të ndarë në kate të ndryshme të spitalit.
“Ne i kërkuam personelit të spitalit që ata të ishin së bashku dhe ata thanë absolutisht po”, pohoi vajza e tyre.
