Ndahet nga gjyqtari i Gjykatës së Shkallës së Parë në Tiranë, Martin Deda.
Beqiri shprehet se ‘ka ikur një njeri i mirë dhe një mik i pazëvendësueshëm, gjyqtar profesionist, dhe i drejtë në vendimmarrje.’
“Lajm vërtet i rënd, i trisht, i pabesueshëm. Ndahet nga jeta gjyqtari i Gjykatës së Rrethit Gjyqësor Tiranë, Martin Deda! Iku një njeri i mirë, një njeri me zemër të bardhë, një mik i pazëvendësueshëm, një gjyqtar profesionist, i drejtë, njerëzor në vendimmarrje. Nuk kishte moshë për të ikur, ndaj ndihemi të pikëlluar. U prehësh në paqe miku im, të ndritët shpirti Martin Deda! “, shkruan Beqiri në postimin e tij.
Martin Deda ka qenë hetues në Prokurorinë e Rrethit Tiranë për dhjetë vjet, zv/kryetar gjykate i Gjykatës së Rrethit Gjyqësor Tiranë dhe aktualisht ishte gjyqtar i Gjykatës së Rrethit Gjyqësor Tiranë. Ai ka qenë kryesues në gjyqin ndaj kreut të një prej bandave të Vlorës, Zani Çuashi.
