Një grua japoneze që fshehu trupin e nënës së saj të ndjerë për dhjetë vjet në një frigorifer shpjegoi gjestin e saj nga frika e dëbimit nga banesa ku ata të dyja jetonin.
Policia i tha AFP se Yumi Yoshino, 48 vjeç, u arrestua nën dyshimin e “fshehjes së trupit të një gruaje” të gjetur në një frigorifer në një apartament në Tokio të Mërkurën.
E pandehura tha se e fshehu trupin 10 vjet më parë sepse ajo “nuk donte të lëvizte” nga banesa që ndau me nënën e saj, raportoi shtypi lokal, duke cituar burime anonime të policisë.
Apartamenti me qira ishte në emër të nënës, mosha e së cilës në kohën e vdekjes vlerësohet të jetë rreth 60 vjeç, njoftoi Kyodo News.
Yumi Yoshino u detyrua të largohej nga banesa në mes të janarit për shkak të vonesave të qirasë dhe ishte dikush që erdhi për ta pastruar atë që bëri zbulimin e trupit të saj.
Nga autopsia e kryer në trup nuk mund të përcaktohet koha e saktë dhe shkaku i vdekjes, sipas mediave.
