Të paktën 157 persona janë raportuar të zhdukur e dy të tjerë të vdekur pas rrëshqitjes së akullnajës në Himalaja të Indisë. Sipas CNN shkëputja e akullnajës ka shkaktuar përmbytje në rrethin Chamoli.
Banorët e zonës janë detyruar të largohen nga zona për shkak të situatës alarmante. Kryeministri i shtetit, Trivendra Singh Rawat, tha se 140 persona raportohen të zhdukur vetëm në kompaninë shtetërore të energjisë, NTPC, ndërsa nuk dihet ende asgjë për fatin e 17 personave të tjerë.
“Dy trupa janë gjetur tashmë”, shkroi Rawat në Twitter.
Sipas Rawat, ushtria dhe ekipe të kërkim-shpëtimit ndodhen në terren për të kërkuar personat e zhdukur. Ndërkohë raportohet se dhe policia lokale ka nisur kërkimet në zonë.
