E pushuan nga puna sepse u zu duke vjedhur, por ish-punonjësi i një salloni automjetesh në Turqi ka kërcënuar pronarin dhe bashkëshorten tij se do t’i infektojë ata qëllimisht me Covid 19.
Ai kishte mundur të siguronte virusin nga një i sëmurë, të cilit i kishte dhënë shumën prej 70 dollarë. Më pas ai kishte hedhur masën në çajin që iu shërbye pronarit. Ky i fundit duke folur në media u shpreh se kjo është mënyra më e çuditshme për të vrarë dikë. Policia ende nuk ka mundur të ndalojë autorin ndërsa ai i kishte lënë një mesazh ish pronarit të tij: Nuk arrita të të vras me virusin, por herën tjetër nuk do të dështoj. Shitësi i makinave është akuzuar për vrasje të mbetur në tentativë.
Vetë pronari i autosallonit, Ibrahim Unverdi, denoncoi ngjarjen në polici duke thënë se e kishte pushuar nga puna asistentin e tij pak kohë më parë sepse e kishte kapur në flagrancë duke vjedhur. Atij iu dha mbrojtja e policisë pasi tregoi kërcënimet që i ishin dërguar nga Cimen, për të cilat ai tha se ish-punonjësi i tij ishte përpjekur ta vriste.
“Nëna dhe babai im vuajnë nga sëmundje kronike. Nëse ai më infektonte me Covid-19, unë mund të kisha infektuar familjen time dhe ata përreth meje. Të paktën nëse do të më qëllonte në kokë, do të isha i vetmi që do të vdisja. Nuk ka nevojë të jesh kaq i lig”, tha Unverdi.
Gruaja e Unverdi, Dilek tha se ka frikë të largohet nga shtëpia ndërsa ai është i lirë.
“Unë dhe fëmijët e mi nuk mund të largohemi nga shtëpia. Duket se jemi në burg në shtëpinë tonë,” tha ajo.
